【资料图】

杨千嬅一连两场的《杨千嬅B minor音乐会2022》昨晚假亚博举行尾场，其圈中好友方力申、唐文龙、郭伟亮和太太叶佩雯、吴若希和老公、冯曦妤与老公等，曾与千嬅在《多功能老婆》合作的陈炜、黄浩然及朱晨丽也有到场，而陈炜更带埋老公前来，至于千嬅父母、奶奶，老公丁子高及儿子Torres亦有到场。

▲千嬅父母。

▲儿子Torres。

▲丁子高与奶奶。

千嬅在完骚后透露因在大陆拍《声生不息》而令她想开骚，又指今次有很多不同感受：“上一次开骚系2017年，一路都想返嚟开，但因为疫情取消咗，其实都唔系坏事，自己未准备好，想吸收多啲，游历唔同嘅舞台、节目训练，有好多材料好想表达，想分享畀观众，都唔使择日，呢个时势想做就做。”至于可会因舆论而感到压力？千嬅直言没有，决定回来开骚前已调整好心态，并指自己的压力是来自演出：“真心好想唱歌，想表演畀大家睇，嗰啲（舆论）唔系重点，压力留番喺表演水平上意义紧要啲，就系以歌会友。”至于为何提起爸爸会那么感触？千嬅说：“我爸爸噚日传咗个讯息畀我，话好开心见番我台上个样，每个父母都担心自己嘅仔女，嗰份难过我唔惊，我处理到，但身边人担心我难过就令我最难过。（爸爸担心乜嘢？）佢惊我唔开心，担心我有压力，但我话你个女EQ已经系神级，基本消化能力系有，但作为父母都会担心，养儿一百岁、长忧九十九就系咁解。”千嬅指爸爸平常不会说太多，故收到这鼓励后，觉得能令他觉得真心开心，自己也很感动：“做仔女最紧要父母开心同健康，呢几年体会到，除咗生死就冇咩咁介意。”干嬅指自己会用“面对”去消化网民的响应，又谓人生有好有不好才完整：“唔可以净系拥抱爱你或撑你嘅人，同时要接纳挑战你嘅人，咁先系完整嘅人生，做一个艺人需要心态成熟，先可以互相进步，系长智慧经历。”至于Encore时在台上除鞋，问千嬅是否想宣布有喜？她听后即笑说：“咁唔系喜，系惊惊哋！我关节痛，噚日chok到只脚先除鞋。”千嬅指完成手上的工作后打算休息几个月回归家庭，又笑言已很久没去玩，所以好想去旅行。

以上内容归星岛新闻集团所有，未经许可不得擅自转载引用。